BONDIA TWAHA AMTEMBELEA RC BATILDA KABLA YA KWENDA URUSI

Imewekwa tarehe: September 24th, 2025

BONDIA Abdallah Twaha amemtembelea Mkuu wa Mkoa wa Tanga, Mhe Balozi Dkt Batilda Burian ofisini kwake leo Septemba 24,2025.

Bondia huyo alikuwa na makocha wake, Yahaya Chande na Ramadhan Msagati.Amesema lengo la ziara hiyo ni kujitambulisha kwa Mhe BaloziDktBatilda, na kumuaga kabla ya safari yake kuelekea nchini Urusi.

Bondia Twaha anatarajiwa kushiriki pambano muhimu la kimataifa kupigania nafasi ya juu katika viwango vya ubora vya mchezo wa masumbwi.Mhe Balozi Dkt.l Batilda Batilda, amempongeza bondia huyo kwa juhudi zake na kumtakia heri katika pambano hilo, huku akiahidi kutoa ushirikiano wa karibu ili kumwezesha kufanikisha malengo yake katika mchezo huo.