MAAFISA BIASHARA TANGA WATEMBELEA KIWANDA CHA ANJARI

Imewekwa tarehe: October 3rd, 2025

MAAFISA Biashara na Uwekezaji kutoka halmashauri 11 za Mkoa wa Tanga, wametembelea kiwanda cha Anjari, kujifunza uzalishaji, mifumo ya biashara ya viwanda na kujadili fursa za ushirikiano kati ya sekta binafsi na Serikali.

Katika ziara hiyo iliyoongozwa na Afisa Biashara na Uwekezaji wa Mkoa, Peter Lyochi, maafisa hao walitembelea maeneo ya uzalishaji wa bidhaa mbalimbali, kupata maelezo ya kina kutoka kwa uongozi wa kiwanda kuhusu changamoto na mafanikio ya kiuchumi na kujadili namna halmashauri zinavyoweza kuweka mazingira wezeshi zaidi kwa wawekezaji.

Ziara hiyo ni sehemu ya mikakati ya Mkoa wa Tanga kuimarisha uchumi wa viwanda, kuvutia wawekezaji na kuboresha utoaji wa huduma kwa wafanyabiashara kupitia mafunzo ya vitendo na ushirikiano wa sekta za umma na binafsi.