SPIKA BWZ AWASILI TANGA KUADHIMISHA MIAKA 61 YA MUUNGANO

Imewekwa tarehe: April 24th, 2025

Na Mashaka Mgeta, OMM TANGA

SPIKA wa Baraza la Wawakilishi Zanzibar, Mhe Zubeir Ali Maulid, leo Aprili 24, 2025, amewasili mkoani Tanga kwa ziara ya siku nne.

Katika ziara hiyo iliyo sehemu ya matendo ya kuadhimisha miaka 61 ya Muungano wa Tanganyika na Zanzibar, Mhe Maulid, amepokewa na Mkuu wa Mkoa wa Tanga, Mhe Balozi Dkt Batilda Burian.

Pia walikuwepo Mwenyekiti wa Chama Cha Mapinduzi (CCM) wa Mkoa wa Tanga, Rajabu Abdulrahman Abdallah na Mbunge wa Mkinga ambaye pia ni Naibu Waziri wa Maliasili na Utalii,  Mhe Dustan Kitandula. Mhe Maulid ameelezea matumaini ya ziara yake hiyo ya kwanza ya kikazi, kuwa yenye tija.

Naye Mhe Balozi Dkt Batilda Burian amesema, miongoni mwa kazi atakazozifanya Mhe Maulid ni ukakuguzi, kuweka jiwe la msingi, kufungua miradi ya maendeleo na kuwahutubia wakazi wa maeneo atakayoyatembelea.

Mhe Balozi Dkt Batilda amesema, Tanga imepokea zaidi ya Shilingi trilioni 3.1 zilizotolewa na Mhe Rais Dkt Samia Suluhu Hassan kwa ajili miradi ya maendeleo na ustawi wa watu.